CEBU CITY-Hatagan og kahigayonan ang mga ang Prisoners Deprived of Liberty (PDLs) nga makasalmot sa umaabot nga Barangay at Sangguniang Kabataan Elections 2023 karung umaabot nga Oktubre 30, 2023.
Mao kini ang gibutyag sa pangu sa Community Relations Service Section sa Bureau of Jail and Management Penology 7 (BJMP-7) nga si JSupt. Thomas Augustine Catarata.
Matod niini nga nagpadayon pa sa gihapon ang proseso sa pag-verify sa identity sa mga naasoy nga piniriso.//
Mitaho usab si Catarata nga ang miaging piniliay nga gipahigayon sa miaging tuig giisip nga malampuson ug hapsay ang proseso sa pagbotar.
Mao usab kini ang ilahang tumong sa piniliay karong tuiga, kung diin ang eleksyon ipahigayon onsite ug offsite.
Ang ubang mga PDL ibalhin sa mga gitudlo nga lugar aron makaboto, samtang ang uban tugutan nga makabotar sa sulod sa pasilidad sa bilanggoan.
Matod sa opisyal nga adunay kinatibuk-an nga 5,520 nga mga rehistradong botante sa PDL sa BJMP-7, ug ingon man adunay 41 ka mga bilanggoan nga gitudlo nga mga sentro sa pagbotar sa lugar ug dugang nga 10 ka mga lokasyon nga gitukod alang sa offsite nga pagboto.
Ang BJMP-7 aktibong nakig-alayon sa Philippine National Police (PNP) aron masiguro ang seguridad sa mga PDL atol sa proseso sa eleksyon.
