Giawhag ni Lingayen- Dagupan Archbishop Socrates Villegas ang mga Pilipino sa pag-ampo ug mobarog batok sa China nunot sa bag-o lang nga pagpanghasi sa mga insik nga may kalabutan sa pag-angkon sa kadagatan sa Pilipinas.
Sa giluwat nga pastoral letter diin iyang gitumbok usab nga ang China isip usa ka “bahad kon Hulga ” sa soberanya sa Pilipinas.
Ingon man ang paghatag og gibug-aton nga ang maong lihok sa China kay nagpamatuod nga naglimbong sa mga pagsulay sa ilahang gahom sa pagdumala pinaagi sa usa ka ideolohiya nga sumala pa sa nahisgutang Arsobispo nga binuhatan sa mga wala moila sa Diyos ug gipabilin ang tanang relihiyon lakip ang pagpahigayon ug pagsalig ug pagtuo ilalom sa “totalitarian boot” aron nga yatakan ang mga kabaybayunan.
Gibutyag usab ni Archbishop Villegas nga usa ka “provocative actions” ang gihimo sa China batok sa barko sa Philippine Coast Guard ilabi na sa Escoda Shoal.
Gani, gipasabot niini ang mga posibilidad sa gobyerno kay nasudlan na sa Chinese assets, nga iyahang gibutyag nga kasamtangang gina-imbistigahan sa Kamara ug Senado.
Sumala pa kang Villegas, adunay “moral issue” nga naglambgit sa aksyon sa Tsina kabahin sa mga interes sa mga Pilipino sa pag-angkon sa ilahang kaugmaon pinaagi sa mga tinubdan nga gihatag kanila sa Kahitas-an.
Subay niini, giimbitahan ug giawhag ni Arch. Villegas ang publiko nga mosalmot sa Rosary campaign gikan sa Hunyo 27 hangtod sa Solemnity of the Assumption sa Agosto 15.
Nanawagan usab siya sa mga Katoliko nga magpuasa kung mamahimo, ingon man ang uban pang himuon isip penitensya sulod sa susamang panahon.
Lakip usab ang pag-awhag sa mga magbabalaod nga magpabiling determinado sa ilahang imbestigasyon, ilabi na ang mga hisgutanan sa mga Chinese Infiltrators.
