METRO MANILA-Dili makonsiderar nga “food poor” o nag-antos sa pagkaon kung makagasto ang usa ka Filipino og ₱64 o labaw pa aron makakaon og tulo ka kan-anan sa usa ka adlaw, Sumala sa National Economic and Development Authority o NEDA.
Mao kini ang gisulti ni NEDA Chief Arsenio Balisacan dihang gipangutana ni Sen. Nancy Binay, giunsa nila pagklasipikar ang mga “food poor,” sa gipahigayon nga senate panel for Finance.
“As of 2023, a monthly food threshold for a family of five is ₱9,581, that comes out about ₱64 per person,” pahayag ni Balisacan.
Sa dihang giklaro ni Sen.Binay kung tulo ba kana ka kaon sa usa ka adlaw (pamahaw, paniudto, ug panihapon), ang Hepe sa NEDA mitubag og oo, nga nagpasabot nga ang usa ka pagkaon adunay ₱20 lamang.
Sunod nga pangutana, igo ba ang ₱20 nga kantidad sa pagkaon para sa usa ka tawo?
Ang hepe sa NEDA mitubag, nga “The value of that basket has been adjusted for inflation, so ‘yan actually ‘yong adjusted for inflation na ‘yon we’ll be revisiting. I think it’s due for revisit of that poverty threshold natin kasi medyo matagal na rin. More than a decade na ‘yon since it was set. I think the changes in the economy warrant a revisit already of the threshold.”
Gipasabot pa ni Balisacan nga posibleng mosaka ngadto sa ₱67 karong tuig 2024 ang gasto sa mga pagkaon matag adlaw aron matawag nga wala ka naglisod sa pagkaon, depende sa inflation.
