Luwas ang tanang 23 ka mga Filipino crew nga sakay sa oil tanker nga gikataho nga giatake sa mga rebeldeng Houthi sa baybayon sa Red Sea sa Yemen, matud pa sa Department of Migrant Workers (DMW).
Ingon man nga wala’y mga taho nga kaswalti, sumala sa usa ka pahayag nga gi-post sa United States Central Command.
Gani, hugot nga nakig-alayon sa mga internasyonal nga awtoridad sa maritime ang buhatan sa DMW, ingon man sa mga shipping companies, ug lokal nga mga ahensya sa manning sa kahimtang sa mga barko nga adunay mga Pilipino nga mga seafarer nga nagbiyahe sa mga lugar nga nameligro ug sama sa war-like zones sa Red Sea ug Gulf of Aden.
Matud pa nga gipaluyohan sa Iran nga mga Houthis ang paglunsad og usa ka anti-ship ballistic missile (ASBM) ngadto sa Red Sea ug gihampak ang M/T Wind, nga gipanag-iya sa usa ka Panamanian-flagged, Greek.
Diin ang M/T Wind gikan sa Russia nga nagkarga og lana ug paingon sa China.
