CEBU – Naghinam-hinam na ang mga Filipino sa New York City, USA, sa umaabot nga pagbisita ni President Ferdinand ‘Bongbong’ Marcos, Jr. alang sa state visit niini.
Gibutyag ni Catalina Suerte, usa ka magtutudlo ug sakop sa United Federation of Fil-Am Educators, New Jersey Chapter, nga hilabihan ang ilahang ka ‘busy’ sa pagpangandam sa pagbisita sa presidente ilabi na ang seguridad niini gikinahanglan nga in-place na ang tanan.
Matud pa, gibana-banang adunay 1,500 ka mga indibidwal ang mutambong sa maong kalihokan gikan pa sa nagkadaiyang estado sa US ingon man nga adunay maabot nga mga delegasyon gikan sa Canada.
Gipahibalo niini nga gawas sa ‘speaking engagement’ sa presidente sa United Nations, giingong makigkita kini sa Filipino community, ilabi na alang sa pag-ila sa mga frontliners.
Sa pagkakarun, padayon ang ilahang pag-finalize sa venue nga pagabisitahon ug himamaton sa pangulo ang mga Filipino sa Estados Unidos.
