Hugot nga gibantayan sa gobyerno sa Pilipinas ang kahimtang sa mga Pinoy sa Papua New Guinea human ang 6.7 magnitude nga linog nga miigo sa ikaduhang kinadak-ang siyudad niini nga Lae City niadtong Oktubre 7, 2025.
Sa usa ka pamahayag niadtong Miyerkules, Oktubre 8, ang Department of Foreign Affairs (DFA) mitaho nga ang Filipino community sa Lae City ug mga kasikbit nga lugar kay luwas ra sa linog subay sa taho gikan sa Embahada sa Pilipinas sa Port Moresby.
Gani dugang pa niini nga hugot nilang gimonitor ang maong sitwasyon sa koordinasyon sa Philippine Embassy.
Ang DFA miingon nga ang kapitolyo sa maong nasud kay nakasinati usab og magnitude 5.0 nga linog sa samang adlaw.
Base sa pinakaulahing datus niini, adunay 36,000 ka mga Pilipino nga nagpuyo ug nagtrabaho sa Papua New Guinea.
