CEBU – Subay sa nagpadayong kagubot sa nasod nga Sri Lanka, gibutyag ni Fathima Anisha, Bombo International News Correspondent sa nasod nga Sri Lanka, nga nagkalisud ang sitwasyon karon sa maong nasod ilabi na sa mga ordinaryong katawhan.
Matod pa ni Anisha nga lisud na ang pagpalit og pagkaon, produktong petrolyo o sa bisang unsang butang sa nasod gumkan sa naghinutdanay na ang mga supply niini.
Lisud na usab ang matang sa transportasyon sa lugar gumikan lakip usab sa naghinutdanay og supply ag produkto sa lana nga maoy nakabalda sa tanang operasyon , lakip na ang import ug export og pagkaon, sa Sri Lanka.
Nagtrabaho isip usa ka magtutudlo si Anisha ug nagkanayon kini nga wala nay klarong schedule ang operasyon sa mga tunghaan, government o private offices gumikan na usab sa walay klarong kurente nga dala sa nagkahurot nga supplay sa lana sa lugar.
Human , masulod sa mga protestante ang Malacañang sa Sri Lanka niadtong Hulyo 9, nipatuman na og usa ka emergency lockdown ang nasod aron makontrolar ang kalihokan sa katawhan ilabi na nga pakyas ang kapulisan nga masumpo ang mga protestante sa pagsulod sa opisina sa gobyerno.
Hinuon giklaro man ni Anisha nga luwas ra silang mga Pinoy nga anaa sa maong nasod gumikan layo ra sila sa capital city nga Colombo.
Gani, naghuwat silang mga Pinoy sa ayuda nga gisaad sa gobyerno gumikan duha na ka buwan ang nilabay wala pa moabot ang gisaad sa Department of Foreign Affairs (DFA) nga 300 dinar nga ayuda alang kanila.
