CEBU CITY-Gibutyag ni Cebu City Councilor Jun Alcover, ang chairman sa Committee on Agriculture, nga wala pa’y baboy nga nagpositibo sa African Swine Fever sa syudad sa Sugbo.
Matud pa, negatibo pa sa ASF ang syudad ug makanunayon ang ilahang gipahigayon nga blood testing sa mga baboy sa nagkadaiyang barangay.
Subay niini, giawhag ni Alcover ang katawhan nga dili mabalaka sa pagkaon ug mga karne sa baboy o bisan sa mga lechon dinhi sa syudad gumikan kay luwas man kini nga kaonon.
Hinuon, giangkon sa konsehal nga posibling adunay nakasulod nga mga pork products dinhi sa syudad nga gikan sa Carcar City sama na lang sa chicharon o lechon gumikan kay dili makaya sa mga sakop sa Department of Veterinary Medicine and Fisheries (DVMF) sa pag-monitor sa gidaghanon sa mga sakyanan nga mo-agi sa mga border control.
