Magpahigayon ug halapad nga protesta ang mga nagkadaiyang progresibong grupo nga gilangkoban sa mga; retired justice, kaparian, kamadrehan ug nagkalain-laing organisasyon sa umaabot Nobyembre 30.
Sublian usab nila ang pagpahigayon Black Friday Protest, matag adlawng Biyernes, sa dili pa sa adlaw sa halapad nga protesta ngadto na sa lain-laing lugar.
Matud ni Jamie Paglinawan, ang____ nagkasinabot ang mga organisasyon aron sa pagpakigbatok sa padayong halapad nga korapsyon sa nasud, diin grabe ang nasinati sa publiko hilabi na sa bag-olang nahitabo nga pagbaha sa Sugbo nga gatusan ka indibidwal ang nakalas nga kinabuhi ug liboan ka mga pamilya ang naapektohan sa grabeng pagbaha tungod sa palpak nga flood control project.
Gihimug-atan usab ni Paglinawan nga kinahanglang palapdan pa ang lihok protesta sa pagpakigbatok sa korapsyon, dili lang sa lokalidad o sa nasud apan lakip na ang gawas sa nasud, aron nga makita gayud og mabati nga ang katawhan nangita gayud og transparensiya og tubag sa padayong halapad nga korapsyon sa nasud.
Pagasugdan sa “Ang Bagong Alyansang Makabayan” ang lihok protesta gikan sa Fuente Osmena ug mag marcha padulong sa dalan Colon ug sundan kini og papahigayon og misa, dayung marcha na usab padulong sa Fuente Osmena, nga langkoban sa tanang organisasyon nga mo salmot.
