Nagpahigayon og usa ka multisectoral nga protesta ubos sa temang “HINDIPENDENCE Day: People’s Parade and Cultural Protest” ang mipuno sa mga kadalanan sa Dakbayan sa Sugbo kagahapon, Biyernes Hunyo 12, samtang ang lain-laing mga grupo nagsaulog sa Philippine Independence Day pinaagi sa usa ka martsa ug cultural program.
Ang kalihokan nagsugod sa alas 9 sa buntag sa Carbon Freedom Park, diin ang mga partisipante miapil sa Save Carbon Movement Human Chain.
Gipasiugda sa Chairman sa Bayan Central Visayas nga si Jaime Paglinawan Sr. ang panginahanglan sa pagsukol sa iyang gihulagway nga langyaw nga dominasyon ug mga palisiya nga nagpadayon sa pagpabug-at sa ordinaryong mga Pilipino, nga nag-ingon nga ang nasud wala pa makab-ot ang tinuod nga kagawasan ug nasudnong soberanya.
Sigon niini nga wala pa gihapon nakasinati og kagawasan ang katawhan sa halapad nga kinawatay sa kwarta sa pangagamhanan, hinungdan nga miresulta kini sa nagkataas nga utang sa Pilipinas.
Dugang pa ni Paglinawan, nga nakadugang sa walay kagawasan sa mga Pilipino ang padayung pagpatuman sa Deregulation, Denationalization og lakip na ang privatization nga nagpugong sa Industriyalisasyon.
Ang mga tig-organisar gikan sa Bagong Alyansang Makabayan–Central Visayas mibutyag nga ang kalihokan nagtumong sa pagpasiugda sa mga isyu sa impluwensya sa langyaw, pagsaka sa presyo, kawalay yuta, ubos nga sweldo ug kakabus, samtang nanawagan alang sa mas dako nga panaghiusa ug kolektibong aksyon taliwala sa lain-laing mga sektor sa katilingban.
