CENTRAL VISAYAS-Gihimug-atan ni Jaime Paglinawan, ang chairman sa Bagong Alyansang Makabayan Central Visayas nga desisyon sa matag indibidwal nga moapil sa grupo sa New People’s Army o kon NPA nga dili mando sa progresibong grupo sama sa nahitabo sa abogadang namatay sa engkwentro sa Bohol nga si Hannah Jay Cesista.
Matud niini nga dili kini angayan nga i-red tag hilabi na nga adunay katungod ang matag usa kanato ug barugan ang tagsa-tagsa nga baruganan.
Dugang pa niini nga ang ilang pagsaka sa bukid ug mipabor sa NPA base kini pagtuki, pagsusi ug pag-alam sa kalisod, pagpamig-ot sa nasud hinungdan nga niabot sa punto nga mi-uyon kini sa baruganan sa mga teroristang grupo.
Sa pikas bahin, gitataw ni Paglinawan nga nakasabot kini sa gibati nga kahiubos sa amahan ni Hannah Jay Cesista nga si Eutropio Cesista ngadto sa progresibong grupo nga giapilan sa iyang anak ingon man nga wala kini kalagot sa gobyerno.
Apan sa habig sa Bayan Central Visayas, dako ang ilang pagsaludo sa abogada gumikan sa wala pa kini miadto sa Bohol, usa kini sa mitabang ug midasig sa mga mamumuo nga minus og suholan nga mag-‘punyon’ diin anaa kini sa balaod.
