CEBU CITY – Dili maayo nga kasinatian kung mahulagway ni Norriel Borromeo ang matud pa gihimo sa mga pulis kaniya sa lungsod sa Badian, probinsya sa Sugbo.
Kini human nga gimanduan siya nga i-lips to lips ang iyang mga kauban nga detainee.
Sa inquest proceedings ni Norriel, gibutyag niini nga una na nga gisikop siya sa mga pulis sa dihang namalit siya ug isda diin matud pa nga gibutangan ang iyang bulsa ug shabu dayun gikulata.
Matud pa nga sa dihang gisulod na siya sa prisohan sa Badian Police Station, susama nga gikabuangan siya sa mga pulis ug gisugo nga makiglips to lips sa iyang mga kauban.
Dugang pa ni Norriel nga kung masayop siya sa paghalok bunalan ang iyang mga kamot. Gipakita usab niini ang naangkon niya nga bun-og gikan sa matud pa pagkulata.
Nasayran nga nasikop kaniadto si Norriel gumikan sa pagkalambigit niini sa iligal nga drogas apan na-abswelto ra gumikan nga wala man kini makita-e ug lig-on nga ebidensya.
Samtang, kontrobersyal karon ang hepe sa Badian PS nga si PSI Bonifacio Pareja human usab nga gihimakak niini ang nahisgutang pasangil.
Gumikan niini, gisiguro sa Police Regional Office (PRO-7) nga ilang imbestigahan ang maong insidente.
Nagkanayon si PSUPT Reyman Tolentin, ang spokesperson sa PRO-7 nga kung mapamatud-an nga niviolate ang maong mga pulis, sigurado nga mag-atubang kini ug kaso nga administratiba.
