PROVINCE OF CEBU- Andam na nga ipang-apod ang mga relief goods alang sa naapektuhan sa Bagyong Opong.
Ingon man nga personal nga gisusi ni Cebu Governor Pamela Baricuatro ang mga hinabang sa wala pa kini gipadala.
Una niini, gipatawag ni Governor Baricuatro ang mga kadagkoan sa nagkadaiyang departamento sa Kapitolyo alang sa usa ka emergency meeting gahapong adlawa.
Diin atol sa tigom, si Provincial Disaster Risk Reduction and Management Office (PDRRMO-Focal) Ret. Col. Dennis Francis V. Pastor nipresentar og situational report, samtang ang Provincial Social Welfare and Development Office (PSWDO) midetalye sa pagpangandam sa food packs alang sa pag-apod-apod sa mga apektadong pamilya, uban sa mga personahe sa Cebu People’s Action Center (CPAC) ug Provincial General Services Office (PGSO).
Ingon man nga naabtan pa og buntag ang pagpangandam sa kagamhanang probinsyal aron hingpit nga andam gayud ang ilang ihatod nga hinabang.
Nasayran usab nga lakip ang direktor sa Cebu Police Provincial Office (CPPO) nga si Police Colonel Abubakar Udang Mangelen Jr. ang niapil sa diskusyon ug nihatag og updates sa nagpadayon nga koordinasyon nga mga paningkamot nga gihimo sa kapulisan pinaagi sa PNP Command Center.
Gihatagan og gibug-aton ni Gobernador Baricuatro ang kamahinungdanon sa pagkaandam, nga nag-ingon nga duyog sa kaandam kay hugot usab nga mag-ampo.
