CEBU – Kagahapong adlawa, nakasinati og grabeng pagbaha ang pipila ka lugar sa isla sa Sugbo.
Daghang mga mga panimalay ang nabahaan ingon man aduna nay pipila ka residente ang gipabakwit.
Gawas niini, aduna na usay pipila ka balay ang lakip sa naanod sa baha ilabi na ang mga panimalay nga anaa nahimutang sa Kinalumsan River, Sitio Maganda, Barangay Duljo Fatima.
Gumikan niini, eksklusibong gikuhaan og habig ang mga apektadong residente sa maong lugar diin kasagaran kanila nangayo og tabang sa lokal nga kagamhanan.
Matod pa ni Emila Saya-ang, nga sukad niadtong tuuig 1984 sa iyahang pagpuyo sa lugar karon pa sila makasinati og grabeng pagbaha.
Sa habig ni Karen Jane Agustin , usa sa mga tag-iya sa balay nga gianod sa baha, nanawagan kini sa gobyerno og gamay nga tabang tungod kay wala silay makaon ug kapuy-an tungod sa pagkaanod sa balay.
