CEBU – Naviral ang usa ka hulagway human sa pag-abli sa Cebu- Cordova Link Expressway din makita niini ang CCLEX ug ang kabalayan nga anaa sa Barangay Suba.
Apan bisan sa pagviral niini, gikatingala sa mga residente ang maong hulagway gumikan alang kanila dili tinuod ang kahugaw sa maong lugar.
Sa eksklusibong pakighinabi sa Bombo Radyo Cebu kang Carlos Torrevillas usa sa mga residente sa maong dapit, nga daw sa nag-among among kanila ang nagkuha sa maong hulagway gumikan dili tinuod ang hulagway nga gipost.
Nakapangutana si Torrevillas kung unsa kahay tuyo ug tumong sa pagpost sa maong hulagway ug alang kanila gihugaw-hugawan sila aron sila mapahawa sa ilahang gipuy-an ug nakapa-aghat kini sa gobyerno sa pagpahawa kanila sa maong lugar.
Tino pa ni Torrevillas, nga maayo ra man unta nga magpost og hulagway apan kanang insakto lang ug dili binuang gumikan makita sa hulagway nga anaa sila sa ilawm sa bag-ong taytayan apan sa tinuod layo ra kaayo kini og bintang.
