INTERNATIONAL NEWS-Nawad-an og paglaum ang pipila ka mga residente sa Tagulandang island human sa pagbuto pagbalik sa bulkang Ruang sa Indonesia.
Diin kapin sa 12,000 ka mga tawo ang na-ahat og bakwit sa ilang mga tagsa-tagsa ka mga panimalay tungod sa hulga ug delikado nga dala sa maong pagbuto sa bulkan.
Gani, nipasidaan ang Center for Volcanology and Geological Hazard Mitigation (PVMBG) sa posibleng tsunami nga ma-trigger sa volcanic material nga mahagbong ngadto sa kadagatan.
Sa usa ka video nga gipaambit sa disaster agency sa Indonesia diin gipakita niini ang kilat nga nagkidlap ibabaw sa bundok sa Ruang sa dihang nibuto kini niadtong Martes.
Pipila ka mga atop sa kadaghanan ang gilamoy usab ug kadalanan nga natabunan sa mga lava ug abo sa bulkan.
