Gipanghimakak sa mga residente sa Kalinga nga ilang gipanalipdan ang kanhi hepe sa Bureau of Corrections (BuCor) nga si Gerald Bantag.
Ang maong komento nagsunod sa pamahayag ni Department of the Interior and Local Government (DILG) Secretary Jonvic Remulla ug BuCor Director General Gregorio Catapang Jr. nga delikado alang sa mga tawo ug sa probinsya kung ilang himuon ang operasyon.
Sumala sa mga residente, si Bantag wala nahisakop sa bisan unsang tribo sa Kalinga ug wala siyay mga paryente didto.
Dugang pa nila nga gigamit lang nila ang tribo isip pasangil sa napakyas nga pag-dakop kang Bantag.
Kahinumduman nga si Bantag giakusahan nga maoy mastermind sa pagpatay sa broadcaster nga si Percy Lapid ug Cristito Villamor, kinsa nagsilbing tigpataliwala aron patyon si Lapid.
