CEBU – Gi-awhag ni Cebu Governor Gwendolyn Garcia ang mga resorts owners sa probinsiya sa Sugbo nga sundon ang mga lagda sa probinsiya partikular na ang pagsunod sa Executive Order No 2, Series of 2022 nga nagdili sa pagtukod og mga istraktura sa 20 meter setbaccks, easements danger or buffer zones gikan sa mga waterways.
Nagsubay ang maong lakang sa gobernadora sa paghingusog sa Cebu Provincial government nga limpyohan o i-demolished ang mga edipisyo nga anaa sa mga easement zones nga maoy labing daling maapektuhan kung adunay mga kalamidad samot na kung adunay pagsaka sa tubig sa kasapaan o pagdako sa mga bawod sa kadagatan kung dunay bati nga lakat sa panahon sama sa bagyo.
Una niini, nakita sa kagamhanan sa probinsya sa Sugbo nga ang maong istruktura maoy unang maguba panahon sa kalamidad nga maoy makamugna ug kadelikado sa kinabuhi sa mga illegal settlers.
Gawas niini nakita usab sa Kapitolyo nga ang maong illegal settlers maoy kasagaran makapahugaw sa mga waterways samot nasa kadagatan nga maoy usa sa mga tourist destination sa probinsiya.
