Nagpahigayon og mga learning sessions alang sa mga retiradong propesyonal ug mga Senior Citizens, miyembro man sila sa organisasyon o dili aron matabangan sila nga masabtan ang risgo ug kaluwasan sa internet ug sa Artificial Intelligence (AI).
Pinaagi sa pagpangulo ni Marylou Gocotano, ang Visayas Telecommunications Public Relations Head, gipaambit niya nga ang tumong mao ang paghimo sa AI nga sayon ug daling masabtan sa mga tigulang, aron dili sila malibog kung unsaon paggamit ang maong teknolohiya alang sa ilang kaayohan.
Giila usab ni Gocotano ang kamahinungdanon sa pag-edukar sa mga Senior Citizens tungod kay sila ang kasagarang gipuntirya o biktimahon sa mga digital scam sama sa deepfakes, voice cloning, smishing, ug quishing.
Hinungdano aron mapanalipdan sila batok sa maong mga hulga, ang grupo nagtudlo og nagkalain-laing pamaagi kon unsaon paglikay ug pag-verify kon ang usa ka mensahe o tawag naggamit ba og AI alang sa pagpangilad. via Bombo Rexmond Omega
