Mga sakop sa BOC nga naay kalambigitan sa 7 billion shabu shipment inihap na ang mga adlaw- Atty. Panelo

CEBU CITY– Gipasabot ni Atty. Salvador Panelo nga naa pa gihapon salig si Presidente Rodrigo Duterte sa Bureau of Customs (BOC) ubos sa pagdumala ni Custom’s Commissioner Isidro Lapeña ilabina nga kanhi kini director sa PDEA.

Kini subay sa dul-an 7 billion pesos nga kantidad sa shabu nga nasakmit sa PDEA sa usa ka warehouse sa Cavite diin matud pa gitoohang naay kalambigitan niini ang BOC.

Matud ni Panelo nga ang problema lang sa Customs anaa gihapon sa ubos ug mao kini ang nagpalusot sa mga giingong shabu.

Dili kini matud pa makontrol dayon ni Lapeña apan siya nagkanayon nga inihap nalang ang adlaw sa mga naghimo sa ingn sanglit walay matud pa ‘forever’ sa pagbuhat og dautan.