CEBU CITY-Gibutyag ni PSSUPT Joel Doria ang director sa Cebu City Police Offie nga gikan sa Luzon Area ang mga shabu nga nakalusot diri sa Sugbo.
Kini subay na sa sunod-sunod nga drug operation ug minilyon nga kantidad sa shabu ang nakuha. Matud ni Doria nga kini pinaagi sa mga Roro diin ang sakay niini magpaka-aron ingnon nga mga turista ug ang mga large packs sa shabu matud pa pailawman lang og mga nanimaho nga mga bulingon sulod sa ilang mga backpacks.
Hinungdan nga dili na ayohon sa paghiling ang bag sa mga security personnel kay nanimaho na sa pagtoo nga bulingon lang ang sulod niini.
Tungod niini, gitataw ni Doria nga ilang seminaron ang mga security personnel sa nagkadaiyang pantalan para ma-aware kalabot niining maong modus karon.
Gidugang pa usab ni Doria nga ang mga contact niini naa sa sulod sa bilanggoan ug ang mga courier kadtong mga bago nga laya.
Kini ilang natino human sa ilang mga imbestigasyon ug matud pa naa silay lead. Hinoon, mapasalamaton si Doria sa ilang malampuson nga mga operasyon.
