Liboan ka mga lungsuranon, lakip ang pipila ka iladong mga showbiz personality, ang nisalmot sa duha ka dagkong lihok protesta nga dungan nga gipahigayon sa Rizal Park, Manila ug sa EDSA People Power Monument aron iprotesta ang kaylap nga korapsyon sa mga proyekto sa pagpugong sa baha sa nasud.
Lakip sa mga celebrities nga nakita sa protesta mao sila si Vice Ganda, Anne Curtis, Donny Pangilinan, Jasmine Curtis-Smith, Darren Espanto, Andrea Brillantes, Julia Barretto, Jodi Sta. Maria, Angel Aquino, ug uban pa.
Pipila usab kanila nipaambit sa ilang panawagan alang sa transparency ug accountability gikan sa gobyerno sa social media.
Matod sa mga organizers, sinugdanan pa lang kini sa mas lapad nga kalihukan aron pagseguro nga magamit sa husto ug matinud-anon ang kuwarta sa publiko—ilabina nga nagpadayon ang grabeng pagbaha sa nagkadaiyang dapit sa nasod.
