CEBU – Nakadawat og pasidungog ang mga Sugbuanong atleta nga midaog og medalya sa Southeast Asian (SEA) Games sa ilang pag-uli sa Sugbo.
Mipahigayon og grand homecoming ang Cebu City Government ug ang Cebu City Sports Commission (CCSC) niadtong Sabado sa usa ka iladong mall sa dakbayan sa Sugbo.
Dako’g natabang sa Team Philippines sa 31st SEA Games didto sa Vietnam ang mga atletang Sugboanon diin midaog og 52 gold medals, 70 silvers ug 105 bronzes ang delegasyon sa Pilipinas.
Tungod sa ilang gihatag nga dungog sa Sugbo, gimugna ang grand homecoming alang kanila.
Gipasidunggan sila si Pearl Cañeda, Wilbert Aunzo, Elreen Ando, Lois Kaye Go, Alexis Sy, Raven Alcoseba ug Kim Remolino.
Bisan pa wala makatambong sa naasoyng aktibidad gipasidunggan gihapon sila si June Mar Fajardo, Cherry Rondina, Rubilen Amit, Rheyjey Ortouste, Roger Pogoy ug Angelo Marquez.
