CEBU CITY-Gipaambit ni Minerva Gerodias, ang tigpamaba sa Metropolitan Cebu Water District nga anaa gihapon sa zero production ug dili igo ang supply nga anaa sa buhisan dam ug ang gigamit nila alang sa mga konsumidor kay ang portable water.
Apan, nakitaan nila og kalambuan ang Jaclopan dam diin nisaka sa 13,000 cubic meters matag adlaw gikan sa 6,000 cubic meters matag adlaw sa miaging semana, ingon man nga dili kini ang normal production nga adunay maximum nga 30,000 cubic meters matag adlaw.
Dugang pa ni Gerodias nga ang ilang supplier sa Compostela diin ang tinubdan kay usa ka sapa nga gikatahong sa sayo pa sa buwan sa Marso gideklarar na kini nga zero production apan, malipayon kini niyang gipahibalo nga nibalik na ang ilang normal operation ug nakasupply na kini pagbalik sa buhatan sa MCWD.
Ingon man ang ubang supplier nga nag-anam-anam na usab og balik sa ilang operational human nga namatikdan nga adunay improvements human sa pipila ka adlaw nga pag-uwan.
Gikumpirmar usab niini nga ang pagmando ni Cebu Provincial Governor Gwendolyn Garcia sa pagpahawan sa mga sapa nga ni-lead sa Jaclopan ug mananga river, ingon man ang sapa nga anaa sa Carmen Water sa Northern part sa Cebu nga nagsupply sa MCWD nga adunay pagsaka ug pag-usbaw sa supply sa tubig kon itandi niadtong anaa sa grabeng kainit.
Ug nakahimo sa pagkabara sa ubang tubig nga nidagayday ug ma-produce nga portable water.
