Mga suso nag-unhanay sa England

Bisan pa man sa kahinay sa ilang linihokan, nag-unhanay ang mga suso sa tinuig nga World Championships nga gipahigayon sa Norfolk, England.

Sukad niadting 1960s, nagpabiling buhi ang maong tradisyon kung diin kapin 160 ka mga suso ang gipasalmot sa mga residente.

Sa maong sangka, gibutang ang mga suso sa la mesa nga adunay tulo ka lingin.

Slowly but surely, kung kinsa man ang unang makagawas sa katapusang lingin, sya ang mamahimong mananaug.

Una nang nasayran nga bisan pa man og lingaw-lingaw lang ang maong kompetisyon, giseryoso gayud nila ang pagpili sa labing maayo nga suso.

Gawas niini, adunay maayong padulngan ang maong marathon gumikan kay ang mahipos nga halin gikan sa mga mirehistro ug sa mga nanan-aw, ideretso kana sa local charity.