Nagpadayon karun ang imbestigasyon sa kapulisan sa pagbanhig patay kang Negros Oriental Governor Roel Degamo.
Sa pakighinabi sa Bombo Radyo Cebu kang Police Lieutenant Colonel Kym Lopez, ang tigpamaba sa Negros Oriental Police Provincial Office, gibutyag niini nga gawas kang Governor Degamo kay adunay lima ka mga tawo ang namatay sa insidente.
Matud ni Police Lieutennat Colonel Lopez nga nahitabo ang pagpamanhig samtang nanghatag ug assistance sa mga 4Ps beneficiaries ang gobernador.
Sigon pa, basi sa mga nakasaksi, giingong naka-full battle gear ang mga suspek nga sakay sa duha ka SUV nga daling nakasibat sa area human ang gihimong krimen.
Gitino ni Lopez nga wala pa kini nadawat nga report kung daan na bang adunay hulga sa kinabuhi si Governor Degamo.
