Taliwala sa naglagiting nga kainit nga milapas sa 40°C, ang mga drayber sa taxi sa siyudad sa Kandahar, Afghanistan napugos sa paghimo og mga improvised air cooler gamit ang mga daan nga baril ug tubo aron masumpo ang grabeng kainit sa ilang mga sakyanan.
Ang homemade cooler giingong mas epektibo kay sa built-in nga air conditioning system sa mga sakyanan, ug gipakita pa nila giunsa nila pagbutang ang tambutso gamit ang sticky tape ug gitaod ang unit sa atop sa ilang mga taxi.
Kinahanglan usab nga manu-manong pun-on og tubig ang unit kaduha sa usa ka adlaw aron kini mobugnaw.
Nailhan ang Afghanistan nga usa sa labing kabus nga nasud sa kalibutan nga grabe nga naapektuhan sa pagbag-o sa klima, ug sumala sa mga taho, gilauman nga mokusog ang kainit sa umaabot nga mga semana.
Ingon man nga gisuportahan sa mga pasahero ang mga bag-ong paningkamot sa mga drayber.
Sumala sa UN Food and Agriculture Organization, ang Afghanistan nakasinati sa labing init nga tingpamulak karong tuiga ug karon nakasinati sa kaylap nga huwaw nga nagdaot sa panginabuhi sa mga mag-uuma.
Bisan pa sa grabe nga mga epekto sa pagbag-o sa klima, ang Afghanistan wala maapil sa mga panaghisgot sa klima sa UN sukad nakuha sa Taliban ang gahum kaniadtong 2021.
