IRELAND — Nindot pamation kung ikaw mapikpikan sa abaga apan lahi ang gibuhat sa kapin 800 ka mga estudyante gumikan kay padaghanay ang pagpikpik sa laing abaga.
Kini ang gibuhat sa mga batang tinun-an sa Willow Park Blackrock College alang sa usa ka world record attempt.
Matud sa ilang parents’ association nga nagpinikpikay ang 824 ka mga estudyante sa ilang mga abaga.
Tungod niini, nalangkat nila kon na-break ang record nga gihuptan gikan sa usa ka tunghaan sa England diin nagpinikpikay sa ilang likod ang 329 ka mga estudyante.
Nagtinguha ang maong world record nga makakuha og pondo alang sa grupo nga Dogs for the Disabled.
Nagkanayon usab ang mga kawani sa maong tunghaan nga ila pang gipasa ang mga ebidensya ngadto sa buhatan sa Guiness World Records aron sa opisyal nga pag-ila sa ilang record attempt.
