Mga trabahante sa gobyerno, sayo makadawat sa ilang year-end bonus – DBM

Makadawat sa buwan sa Nobyembre ang tanang trabahante sa gobyerno sa ilang year-end bonus ug cash gift.

Kini human ang Department of Budget and Management nipagawas og circular nga nagtugot sa sayo nga pag-apod-apod sa maong mga bonus ug cash gifts dungan sa ilang unang payroll sa buwan sa Nobyembre ning tuiga.

Matud ni Budget Secretary Amenah Pangandaman, nag-issue na kini sa Budget Circular 2024-3 nga nag-amendar sa nauna nga polisiya sa paghatag sa year-end bonuses ug cash gifts sa mga empleyado sa gobyerno.

Ang year-end bonus katumbas sa usa ka buwan nga basic salary sa usa ka empleyado samtang ang cash gift nagkantidad og P5,000.

Gipaniguro sa kalihim nga madawat kini sa tanang empleyado aron malipay sila sa Pasko.