CEBU – Usa ka semana sa dili pa ang sembreak, nahitabo ang makalilisang nga krimen sa usa ka daycare center sa nasod nga Thailand kung diin 38 ka indibidwal ang namatay lakip na nag 24 ka mga bata nga kasamtangang natulog niadtong higayona.
Kini ang gikabutyag ni Giel Eduardo Acot Orillosa , usa ka magtutudlo sa nasod nga Thailand, kinsa eksklusibong gikahinabi sa Bombo Radyo Cebu.
Gibutyag ni Orillosa nga kahadlok ang ilahang nabati dihang nadunggan ang nahitabong mass shooting sa usa ka daycare center gani ang una nilang gibuhat mao ang pakigsusi kung adunay bay Pinoy nga magtutudlo nga naapil sa maong panghitabo gumikan daghan na raba ang mga Filipino teachers nga nadestino sa nasod nga Thailand.
Nahasubo man tuod sila sa maong panghitabo apan nikalma ra usab sila gumikan way Pinoy nga naamong sa maong insidente.
Gibutyag usab ni Orillosa nga sayon ra alang sa suspetsado sa paghimo sa krimen gumikan walay security guard ang sagad sa mga tunghaan sa Thailand gumikan na usab sa kaubos sa ilahang crime rate.
Usab sab hinungdan nganong daghan ang namatay sa maong panghitabo gumikan sa naandan nga buluhaton sa mga daycare center sa Thailand kung diin pakatugon ang mga bata human sa paniudto.
