CEBU CITY-Usa ka kadaugan alang sa mga pro Duterte ang pagpalagpot ni Chief Justice Maria Lourdes Sereno.
Kini maoy gibutyag ni Professor Ryan Mabuloc, usa ka political analyst. Matud ni Mabuloc nga si CJ Sereno na lamang maoy nagpabiling appointee ni sa miaging administrasyon ni kanhi Presidente Noynoy Aquino. Dugang pa ni Mabuloc nga unprecendented ang maong panghitabo ug kini ang nagpakita lamang kung unsa ka radical ang matang sa pamulitika sa Pilipinas.
Samtang nagkanayon si Atty Inocencio dela Cerna nga bisan unsa ka pait, apan gikinahanglan na lamang nga tunlon.
Matud ni Dela Cerna nga subo palandungon sang nahimong decision sa labing taas nga hukom apan angayan kining respetuhon kon tahuron. Matud niini nga kung unsa ang decision sa Korte Suprema mao kana ang sundon sanglit mao kini ang makaingon ug pinalidad kon gitawag nga court of final result.
Sa laing bahin lisud dawaton matud ni Atty Elaine Bathan alang sa usa ka abogado ug nakahibaw sa balaud ang nahimong decision sa korte Suprema nga pagpalagpot ni Chief justice Maria Lourdes Sereno pinaagi sa quo warranto.
Sigon ni Atty Elaine Bathan nga dungan sa pagpalagpot kang Sereno mao usab ang pagkahugno sa judicila independence ug sa rule of law. Matud pa niini nga bisan ug nakahibaw na daan sila nga mao kini ang mamahimong desisyon sa mga justices apan malaumon matud pa sila nga mausab pa kini.
