PROVINCE OF CEBU-Nanumpa atubangan ni Cebu Provincial Governor Gwendolyn Garcia si Kathleen Daan kinsang mikumpleto sa 18 ka miyembro sa Cebu Provincial Board kagahapong adlawa sa Lunes, Pebrero 3, 2025.
Si Kathleen kay maoy umagad (daughter-in-law) ni anhing Board Member Yolanda “Yolly” Daan nga nitaliwan niadtong Nobyembre 2024 tungod sa sakit nga gipamati niini sa kalawasan.
Asawa siya ni Talisay City Councilor Lester Daan diin nasuta nga nagsilbi sab diay kini nga Chief-of-Staff sa mitaliwan nga Bokal sa konseho sa lalawigan.
Mipadayag kini og kalipay ug pasalamat sa opportunidad niini nga muserbisyo sa mga Sugbuanon.
Gawas sa pamilya niini kay misaksi sab sa maong opisyal nga kalihukan sa Kapitolyo si Talisay City Mayor Gerald Anthony “Samsam” Gullas.
Ingon mgan nga sila Provincial Board Member Glenn Anthony Soco, Mike Villamor, Cesar Baricuatro, DILG-7 Assistant Director Atty. Ian Kenneth Lucero ug DILG Cebu Director Dr. Jesus Robel Sastrillo.
