Gisuspenso sa Office of the Ombudsman sulod sa usa ka tuig sila si Minglanilla Municipal Mayor Rajiv Enad, Vice Mayor Elanito “Lani” Peña ug mga konsehales sa lungsod niadtong 2022-2025 sumala pa sa social media post sa mayor niadtong Lunes, Pebrero 2026.
Matod pa sa pamahayag niini kay nanukad sa desisyon sa sugyot nga nakaapektar sa mga lumulupyo sa Sitio Napo, Barangay Guindarohan sa susamang lungsod kun diin nasuta ang mga liki sa yuta sa pag-assess sa potensyal nga risgo sa landslide.
Gitataw pa sa mayor nga ang maong balita kay nakapakugong sa kadaghanan ilabi na sa mga Minglanillahon sa gilantaw nga resulta sa kinabuhi sa serbisyo publiko ug politika.
Sa pagkakaron, masilbi isip acting Mayor si Councilor Lheslen Enad samtang si Councilor Mulot Lapot isip acting Vice Mayor subay sa lagda sa balaod. Ingon man nga ang dakong bahin sa konsehao sa lungsod kay magpabiling bakante sulod sa tuig nga ilang serbisyohan sa suspension.
Kahinumduman nga niadtong 2024 kay gipasakahan og kasong administratibo ang mga opisyal nunot sa kalapasan sa Anti-Graft and Corrupt Practices Act (RA 3019) sa wala pag-isyu og business permits sa pipila ka mga propriyedad sa Brgy. Guindarohan sa operasyon sa quarry nga gipanag-iya sa negosyanteng si Josue Lapitan nga milansar niadtong 2022 batok kang Enad.
