Gikiha si US President Donald Trump sa mga estado sa Minnesota ug Illinois sa US isip kabahin sa tinguha nga babagan ang pagpadala sa mga federal immigration agents sa lugar.
Ang pagpasaka sa kaso nagsunod sa kamatayon sa 37-anyos nga babaye nga si Renee Good nga gipusil sa usa ka ahente sa Immigration Custom Enforcement (ICE).
Sa nahisgutang kaso, gihangyo nila ang korte federal nga ideklarar nga ilegal ang pagpadala sa mga ahente sa ICE.
Sa sayo pa, miulbo ang mga protesta sa lainlaing mga bahin sa US nga nagkondena sa pagpatay kang Good.
Masaligon ang kampo ni Trump nga modaog sila sa nahisgutang kaso, diin si White House Border Czar Tom Homan nag-ingon nga ilang gipatuman lamang ang balaod nga giaprobahan sa Kongreso.
Wala magduha-duha si Trump, nga nag-ingon nga dugangan pa nila ang gidaghanon sa mga ahente sa ICE nga gipadala sa mga lugar.
