Cebu City- Gumikan sa gikaingong pagpangabit sa iyahang asawa, ang nagtukmod sa 33 anyos nga bana sa pagpatay sa iyahang asawa ug pagkahuman naghikog usab kini.
Wala nay kinabuhi sa dihang napalgan ang magtiayon nga sila si Victor Amoguis ug Mary Anne Amoguis, sulod sa ilang panimalay sa Bry La Union , lungsod sa Candijay Probinsya sa Bohol. Sa pakighinabi sa Bombo Radyo ni SPO1 Joseph Bayron, sa Candijay PNP , gibutyag niini nga niadtong Dominggo sa hapon mibisita sa panimalay sa magti-ayong Amoguis si PO2 Ramonito Betaros , gumikan kay pila na kaadlaw nga wala maka report sa trabaho si nVictor sa furniture shop nga gipang-iya sa maong pulis.
Nabalaka usab kini sanglit dili usab limod kaniya ang problema sa magtiayon. Apan pag abot niini sa panimalay sa banayng Amoguis napalgan na lamang nga nagbuy-od sa sa salog si Marry Anne samtang nagbitay naman sa sulod sa pansayan si Victor. Nakita usab ang botelya sa alak ingon man ang suicide letter nga gipanag-iya ni Victor diin matud pa nga dili na niini makaya ang problema gumikan kay ang iyahang asawa nagbinuang sa laing lalaki.
Basi sa doctor nga misusi sa patayang lawas sa magtiayon gituok usa ni Victor ang iyahang asawa una kini naghikog gamit ang electrical wire.
Nasayran usab nga pa nga sa wala pa mahitabo ang krimen, naka estorya pa si Victor ngadto ni PO2 Betaros nga dili na kini makatulog , nagsige nalang kini og inom ug dili na kini mukaon human nga giangkon mismo ang iyahang asawa nga nakasala kini kaniya. Matud pa nga gipaubos pa sa marriage counseling ang mag tiayon aron mahilot ang ilang problema.
