CEBU CITY — Nagsugod na ang indigay sa kaanyag sa unang edisyon sa Miss Universe Philippines pinaagi sa preliminary competition.
Nagtapok ang 46 ka mga kandidata gikan sa managlahing syudad ug probinsya sa Pilipinas kagahapon sa Baguio Country Club aron magtigi sa managlahing kompetisyon.
Sa gihapon, nagrampa ang mga kababayen-an suot ang ilang national costume, swimsuit, ug evening gown.
Samtang una nang napahigayon niadtong nakalabay nga adlaw ang preliminary interviews ngadto sa mga kandidata.
Kini aron masuta kung kinsa ang makasulod sa Final 15 kinsang morampa atol sa coronation day karong Oktubre 25 sa Baguio City.
Samtang gi-atangan na usab ang final walk ni Miss Universe Philippines 2019 Gazini Ganados, suot ang black gown nga hinimo ni Cary Santiago.
Ani-a na ang mga nakadaug sa mga major ug special awards:
- Miss MG Philippines – Michele Gumabao, Quezon City
- Miss Cream Silk – Pauline Amelinckx, Bohol
- Downy Sweetheart Award – Pauline Amelinckx, Bohol
- Miss Cetaphil Sun – Pauline Amelinckx, Bohol
- Best in National Costume – Lou Dominique Piczon, Mandaue
- Miss Photogenic – Tracy Maureen Perez, Cebu City
- Most Beautiful Face Award – Pauline Amelinckx, Bohol
- Best in Swimsuit – Rabiya Mateo, Iloilo City
- Best in Evening Gown – Maria Ysabella Ysmael, Parañaque
