CEBU CITY-Gi bana-bana sa Cebu Police Provincial Office nga moabot ngadto sa dul-an 200 mil ka mga tawo ang mi doaw sa mga sementeryo sa lalawigan sa Sugbo atol sa pag saulog sa adlaw sa mga santos.
Matod ni Police Major Nolan Tagsip ang information officer sa kapulisan sa probinsya sa Sugbo nga wala sila maka talag krimen atol sa maong kalihukan nga nagpasabot nga malinawon ug hapsay ra ang kalag-kalag.
Walay nadakpan ang mga police nga nag bantay sa dul-an 200 ka mga sam-ang sa matag lungsod ug syudad sa lalawigan nga milapas sa lagda nga gipatuman sa local nga kagamhanan.
Sa dakbayan sa Sugbo gihulagway ni Police Lieutenant Colonel Janette Rafter ang deputy city director for operation sa Cebu City Police Office nga midaghan karon ang mi doaw sa mga menteryo itandi sa ‘All Saints Day’.
Alas 10 palang sa buntag dul-an na sa 20 mil ka mga tawo ang gibana-bana sa mga police nga nag bantay sa 21 ka mga sam-ang sukwahi sa Nov. 1 nga adunay 5 mil.
