Nasangit ang usa ka modern jeepney sa hamubo nga footbridge sa usa ka strip mall sa uptown Cebu City human kini mi-shortcut sa iyang rota niadtong adlaw sa Lunes, Septiyembre 29, 2025.
Katuyuan sa drayber sa maong modern jeep kay aron makalikay sa bug-at nga lakat sa trapiko sa gisubay nga dalan sa iyang gipamasahero nga “17B – Apas Jones Carbon” nga rota.
Gikan sa dalan F. Ramos ang maong modern jeep og misuway sa pagsubay sa gamayng dalan sa strip mall aron malikayan ang trapiko nga mulusot ra gihapon sa General Maxilom Avenue.
Sa habig sab sa konduktor nga matod niini maong nilatas sila sa shortcut kay ang mga pasahero nila kay mga trabahante pa sa IT Park sa Barangay Lahug og gadali sa oras hinungdan sa maong desisyon sa drayber.
Kumpyansa ra ang drayber niini nga makalusot ang iyang gimanehong jeep kay sa duha ka footbridge sa strip mall kay nakaagi sila unang footbridge apan didto na nasangit sa ikaduha.
Aduna lay 7 feet ang vertical clearance sa maong footbridge diin ang desinyo sa modern jeep nga adunay airconditioning unit niini sa babaw.
