Gipasiugda ni Senador Juan Miguel Zubiri ang modernisasyon sa Armed Forces of the Philippines, partikular na ang Philippine Navy ug Philippine Coast Guard (PCG) nunot sa agresibo ug pagpanghasi sa Chinese forces batok sa PH personnel sa West Philippine Sea.
Matod sa kanhi Senate President, padayon nga gilapas sa China ang teritoryo sa PH ug ang exclusive economic zone sa nasod sa WPS.
Dugang pa sa kanhi opisyal nga dili igo ang pagkondena sa China hilabi na sa mga nakita niini nga mga video nga mikatap kung giunsa pagmaltrato, pagtinabangay ug ingon sa gipugos ang mga maisog nga sundalo, diin usa kanila ang nakaangkon og grabe nga kadaot.
Bisan pa nga daghang mga sektor sa internasyonal nga komunidad ang nakig-uban sa PH, ang China apan, wala gihapon kini makatarug.
Giingon usab niini nga klaro nilang tuyo nga ipadayon ang ilang paggamit og puwersa sa teritoryo ug EEZ.
Busa, nagkanayon ang Senador, nga ang pagpasiugda sa modernization program sa lokal nga pwersa mao’y bugtong paagi bisan tuod siya miingon nga dili matumbas sa PH ang kusog militar sa China, apan mahimo gihapon nga madugangan ang gidaghanon sa mga WPS patrol.
Dugang ni Zubiri nga ang Senado migahin og kapin sa P6 bilyones nga pundo alang sa AFP ug P2.8 bilyones alang sa PCG karong tuiga.
Busa, gikinahanglan nga ipagawas dayon ang maong mga pundo aron matabangan ang lokal nga pwersa sa pagpalit sa mga barko ug mga kagamitan sa depensa nga gikinahanglan alang sa pagpanalipod sa ilang kaugalingon ug pagdepensa sa atong kadagatan.
