CEBU – Dili angayan nga kabalak-an ang bag-ong nadiskubrihan nga monkeypox sa kapin napulo ka mga nasud, gumikan kay wala pa may natala niini sa Pilipinas.
Gibutyag ni Dr. Mary Jean Loreche, ang chief pathologist sa DOH 7, nga ang maong sakit kay susama lang sa usa smallpox, ingon man nga kauban lang usab sa chickenpox.
Matud pa, susama sa ubang virus, makatakod sa gihapon ang monkeypox pinaagi sa close physical contact.
Hinuon, dili susama sa COVID-19 nga posibling mataptan bisan pa man ug naka-rekober na, giingong ang maong monkeypox kay dili na subling mutapot kung nakasinati na ang pasyente, susama usab sa chickenpox o hangga.
Awhag na lang ni Loreche sa publiko nga ipabilin ang minimum public health standards, ingon man ang pinaka-importante, mao ang personal hygiene.
