Nagpabilin gihapon ang barko sa China nga gihinganlan og ‘The Monster’ o CCG 5901 sa BRP Teresa Magbanua sa Pilipinas nga nagbantay sa Escoda shoal sukad sa pag-abot niini niadtong Hulyo 3.
Basi sa pinakaulahing monitoring ni US maritime security expert Ray Powell, 500 metros ang gilay-on sa higanteng barko sa China gikan sa BRP Teresa Magbanua.
Matod ni Powell, wala mausab ang gilay-on sa Chinese patrol vessel gikan sa barko sa PCG.
Kahinumdoman nga niadtong Hulyo 3, ang Monster ship miagi sa Mischief reef una kini milawig paingon sa silingang Escoda shoal pipila ka oras ang milabay ug nagpabilin sa shoal hangtod karon.
Ang BRP Teresa unang gipakatap sa Escoda shoal sukad niadtong Abril 16 nunot sa gikatahong reclamation activities sa China sa maong kadagatan tungod sa pagkadiskubre nga mga nadugmok ug mga patay nga corals.
