CENTRAL VISAYAS- Nadakpan sa mga sakop sa 2nd Provincial Mobile Force Company uban sa Regional Intelligence Unit 7 ug Criminal Investigation and Detection Group Cebu City Field Unit 7 ang tulo ka labing pinangita sa balaod sa Central Visayas human malutsan og warrant of arrest nga giluwatan sa korte.
Unang nadakpan ang usa ka 57-anyos nga mag uuma didto sa Barangay Sinsin sa dakbayan sa Sugbo alas Biyernes sa buntag nga nabutang sa number 2 nga most wanted person ug nalakip sa ika napulo sa regional level nga nakabuhat sa kasong pagpanglugos in relation sa Republic Act 7610 kun Child Abuse nga walay gitugot nga pyansa ang korte.
Ikaduhang nadakpan mao si Benjie Alicaba Labasano 31, lumad nga taga Purok 2 Barangay Loay dakbayan sa Toledomag uuma nga nabutang sa ika unom nga listahan sa most wanted person sa probinsya sa Sugbo ang nadakpan usab didto sa Barangay Campo 7 lungsod sa Minglanilla.
Ang RTC branch 8 sa dakbayan sa Toledo mipagawas og kamandoan pag dakop kang Labasano sa kasong sexual abuse sa usa ka bata nga dunay gitugot nga pyansa nga mobalor sa P180,000.
Samtang ang nabutang sa number 1 most wanted person sa probinsya sa Sugbo ang nadakpan usab didto sa Barangay Guimbawian lungsod sa Pinamungajan.
Nahitabo ang pagpang lugos niadtong Marso 2023 didto mismo sa ilang panimay.
Ang korte sa dakbayan sa Toledo mipagawas og warrant of arrest sa akusado sa kasong Incestous Rape in relation sa Republic Act 7610 kun Child Abuse nga walay gitugot nga pyansa.
