CEBU CITY-Padayon pang gisuta sa mga kapulisan ang motibo sa pagpusil patay sa bana sa Bise-Mayor sa lungsod sa Clarin sulod sa usa ka resort sa naasoy nga lungsod probinysa sa Bohol.
Giila ang biktima nga si Ricardo Aparicio, 44-anyos, ug residente sa Poblacion Norte, Clarin.
Matud sa Desk officer sa Clarin PS nga gipusil si Aparicio sulod sa 4Js Inland Resort samtang nakig-istoray sa iyang higala. Kadaghang higayon matud pa kini nga gipusil hinungdan nga natusak-tusak ang lawas niini. Dali hinoon kini nga gidala sa Clarin Community Hospital apan gideklarar nga DOA.
Narekober sa crime scene ang 8 ka kabhang sa 45 caliber pistol.
Samtang, naigo usab sa pagpamusil ang usa ka empleyado sa naasoy nga resort nga si Roel Aparicio, 36 anyos nga karon nagapaalim sa tambalanan.
Padayon pa usab nga giila ang responsable sa pagpamusil.