CEBU CITY-Padayon nga pa nga gisuta sa mga kapulisan ang hinungdan ug motibo sa pagpinusilay sa duha ka security kagabii sa may Total Gas Station sa S Osmena St, niining dakbayan.
Basi sa imbestigasyon, adunay nakabantay sa komusyona ug pinusilay sa naasoy nga gas station kung diin nahagba ang duha ka lalaki nga na-identify nga puro mga security guard.
Giila ang mga namatay nga sila si Juniper Teniano Carahasan, lumad nga taga Guihulngan Negros Oriental apan kasamtangang nagpuyo sa Brgy. Guadalupe dakbayan sa Sugbo ug si Anjen Lagmay Limosnero taga Sitio Langub Brgy. Guadalupe sa naasoy nga dakbayan.
Matud sa nakakita, miabot matud pa Limosnero ug misulod sa tindahan sa Gas Station kung diin nagbantay si Carahasan. Didto na matud pa nahitabo ang komusyon ug buto-buto. Dead on the spot si Carahasan nga naigo sa ulo ug nahagba sulod sa tindahan sa gas station.
Samtang nakadagan matud pa si Limosnero pagawas sa station apan nahapla kini sa dihang nakagawas na.
Nasayran nga dugya na dunay panagbangi ang duha apan iniimbestigaran pa sa mga pulis ang laing motibo sa pinusilay.
