Patay-diha diha dayon ang 48-anyos nga supervisor sa security agency human giingong napasok ug nalatayan sa usa ka garbage truck pasado alas 6:00 sa buntag gahapon, Biyernes Disyembre 12, sa sa bahin sa Bypass Road, Barangay Mambaling ning dakbayan sa Sugbo.
Nailhan ang biktima nga si Abel Lawas minyo ug nagpuyo sa dakbayan sa Talisay.
Samtang ang drayber sa maong garbage truck giila lang sa alyas nga si Jay, 38-anyos, minyo ug residente sa Barangay Labangon ning syudad.
Base sa inisyal nga imbestigasyon, si Lawas paingon unta sa Barangay Banilad kay matud pa maghatud kini sa tinda sa iyang inahan ug moderitso na usab kini sa trabaho.
Samtang si Jay musulod na unta sa entrance paingon sa ilang opisina kay matud pa ting out na niini sanglit pang gabii ang iyahang duty.
Midepensa ang drayber sa garbage truck nga wala siya nakabantay sa maong motorsiklo.
Midugang kini nga nakahibaw nalang siya dihang gipahibaw siya sa iyang mga kauban nga dunay nalatayan sa ilawm nga bahin ug sa ilang pagsusi nakita na nila si Lawas nga wa na wala nay kinabuhi.
Samtang sa pikas bahin, padayon pa usab ang imbestigasyon sa mga otoridad.
