CEBU – Nanghinaut ang usa ka taxi driver nga aduna na’y permanente nga pag-menus sa presyo sa gasolina, ingon man ang nag-unang palaliton ilabi na ang bugas.
Gibutyag ni Roel Villacorta, nga mubyahe kini ug alas 6 sa buntag hangtud na sa alas 10 sa gabii ug ang iyahang kita nag-depende sa gihapon sa gidaghanon sa pasahero nga musakay ug taxi.
Matud pa, karun nga kanunay ang pagsaka sa presyo sa lana, adunay mga higayon nga wala na kini madala alang sa iyahang pamilya gumikan kay pa-igo na lang sa pagtubil ug abang ang iyahang kita.
Sigon pa sa naasoy nga driver nga bisan pa man ug adunay rollback, giingong dili sa gihapon kini pa-igo ug wala’y dakong epekto sa ilahang kita gumikan kay lisod gihapon silang mga namasahero.
Gitino usab ni Villacorta nga hilabihan usab kalisod ang byahe karun gumikan kay daghan na sila’g kompetensya, daghan na ang nagdagan nga taxi, ingon man uban pang mga de pasahero-an.
