BOHOL, PROVINCE OF CEBU-Nunot sa nahitabong disgrasya diin mikalas og usa ka kinabuhi nga si Anna Marie Tasic human nadasmagan sa usa ka motor vehicle nga nisalmot sa Bohol Loop 2024 niadtong Marso 23-24, 2024, nakahukom si Bohol Governor Aristotle ‘Aris’ Aumentado nga dili na niini tugotan ang mga kalihokan subay sa ‘Motourismo’ program diin gi-promote ang lalawigan sa Bohol.
Sa pakighinabi sa Bombo Radyo Cebu Newsteam kang Bohol Gov. Aumentado nga gisultihan na niini ang tanang taga Bohol nga dili na magpahigayon og Bohol Loop sa sunod tuig.
Mipadayag usab kini sa iyang kasagmuyo gumikan sa ikaduhang higayon nga pagpahigayon sa maong kalihokan adunay naangol nga Boholana.
Ingon man nga bisan pa nga gitangtang na kini mamahimo usab kini nga tugitan pagbalik kung adunay bag-ong tourist spot ang Bohol apan, sa pagkakaron ug tungod sa nahitabong aksidente, dili usa kini hatagan og permiso nga maka-loop sunod tuig.
