Gihimakak sa Movie and Television Review and Classification Board o MTRCB ang taho nga gi-review nila ang kontrobersyal nga salidang “The Rapists of Pepsi Paloma” ni director Darryl Yap.
Sa giluwatang pamahayag sa MTRCB, giklaro niini nga wala pa karon gi-review ang maong salida.
Matod niya nga wala gidawat sa MTRCB Registration Unit ang mga materyales nga gisumiter sa representante sa online streaming service nga Pinoyflix tungod kay dili kini kompleto.
Kini naglakip sa 3 ka dokumento nga gisumiter sa MTRCB Legal Affairs Division: ang Certificate o Clearance nga walay pending criminal cases gikan sa Regional Trial Court, ang Certificate o Clearance nga walay pending civil cases gikan sa Department of Justice, ug ang Certificate o Clearance nga wala’y pending nga kaso gikan sa Office of the City Prosecutor.
Ingon man nga isip kabahin sa standard review process, ang MTRCB’s Legal Affairs Division mikontak sa distributor niadtong Martes, Enero 28 aron sa pagpahibalo kanila sa kuwang nga mga kinahanglanon.
Nagpabilin usab ang MTRCB nga dili kini motugot sa bakak nga impormasyon ug bisan unsang pagbutangbutang nga mahimong makadaot sa reputasyon ug mandato sa pagpanalipod sa interes sa publiko.
Gihatagan usab og gibug-aton sa ahensya nga mohimo sila og aksyon batok sa bisan unsang tinuyo nga pagsabwag sa sayup nga kasayuran basi sa balaod.
