CENTRAL VISAYAS-Mukabat sa 5,245 ka mga job openings ang magamit sa umaabot nga usa ka adlaw nga job fair nga dungan nga ipahigayon sa Cebu City ug Dumaguete City karung adlawa, Hunyo 12, 2023.
Gipahibalo sa Department of Labor and Employment (DOLE) – Central Visayas, nga ang job fair kay gitawag ug “Kalayaan Job Fair”, diin ipahigayon isip paghandom sa ika-125 nga Independence Day.
Una nang gibutyag sa ahensya nga anaa sa kinatibuk-ang 2,317 ka mga job opportunities ang ablihan sa dakbayan sa Sugbo, samtang anaa sa 2,078 local job openings ug 850 ka mga international employment ang gitanyag sa Dumaguete City.
Gikumpirmar sa DOLE 7 nga 30 na ka mga employer ang nagpa-rehistro nga musalmot sa job fair nga ipahigayon sa Wing Atrium sa SM Seaside City Cebu sa South Road Properties (SRP) sa dakbayan sa Sugbo.
