Nakabsan sa kinabuhi ang 10-anyos nga batang lalaki, kinsa gituohang nalanag sa gikaon nga “seafood” partikular na ang “tahong” nga gitinda sa Pinamungajan Festival Stalls sa lungsod sa Pinamungajan, Cebu.
Ang maong bata umaabot nga grade 6 student, kinamagwangan sa tulo ka managsoon, ug residente sa Purok 3, Barangay Bonbon, Lungsod sa Aloguinsan.
Gikataho nga ang bata, nangaon sa maong foodpark kauban iyang pamilya, diin pipila ka adlaw ang milabay, nag sige na og sakit ang tiyan niini, gasuka, ga-LBM ingon man gihilanatan hinungdan nga gidala nila kini sa tambalanan.
Apan, nakabsan sa kinabuhi ang bata mga alas 7:00 pasado, Abril 21, 2026.
Subay niini, gikabutyag ni Dr Feleus Bacson, ang Chief sa Municipal Hospital, nga anaa sa sever dehydration ang batang nakalas human nalanag sa gituohang tahong, gumikan kay ang maong indibidwal raman usab ang nakahimamat sa maong panghitabo, sa tanang tao nga nangaon sa maong food park stall.
